ద్విపదభాగవతం - మధురకాండ : అక్రూరుఁ డు హస్తినాపురిఁ బ్రవేశించుట
అరుదార నక్రూరుఁడట రేపఁగదలి
యరదంబు వెసనెక్కి హస్తినాపురికి
నరిగి యాధృతరాష్ట్రు నలమొగసాల
నరదంబు డిగిపోవ నటయింద్రులీల. - 460
కొలువిచ్చి యున్న యాకురురాజుఁ గాంచి
యలసతఁ జని యల్ల నడుగుల కెఱఁగ
గద్దియపైనుండి కౌఁగిటఁ జేర్చె;
గద్దియఁ దనగద్దెఁ గదియఁ బెట్టించి
యర్హపూజలఁ దన్ప నక్రూరుడంత
హరియిచ్చు కట్నంబు లారాజుకిచ్చి
సేమంబులడిగి తత్సేమంబుఁ జెప్పి
ప్రేమకాలోచితప్రియములుఁ బలుక
విడియంగఁ బంపించి విదురునియింట